ការសរសេរចំណងជើងរង គឺជាដំណើរការនៃការបង្កើតអក្សរឱ្យបង្ហាញនៅលើអេក្រង់ចេញពីសំឡេងដែលត្រូវបាននិយាយនៅក្នុងភាពយន្ដ ឬឈុតឆាកវីដេអូផ្សេងៗ។ ចំណងជើងរងអាចជាទម្រង់នៃការបកប្រែពីសំឡេងនិយាយនៃភាសាដើមទៅភាសាគោលដៅ ឬការសរសេរតាមសំឡេងក្នុងភាសាដើមតែមួយ។ 

ចំណងជើងរង គឺមានសារៈសំខាន់ចំពោះវីដេអូក្នុងបណ្ដាញសង្គមដោយសារតែមនុស្សជាច្រើនមើលព័ត៌មាន សារបង្ហោះថ្មីៗនៅក្នុងបណ្ដាញសង្គមរបស់ពួកគេនៅក្នុងភោជនីយដ្ឋាន កន្លែងធ្វើការ ឬនៅក្នុងស្ថានភាពផ្សេងៗទៀត ដែលសំឡេងក្នុងវីដេអូនោះអាចបង្កនូវការរំខានសម្រាប់កន្លែងទាំងនោះ។

សេវាបកប្រែ ឡិកស៊ីកា ផ្ដល់នូវការសរសេរចំណងជើងរងបានយ៉ាងត្រឹមត្រូវតាមសំឡេងនិយាយសម្រាប់ការចាក់បញ្ចាំងខ្សែរភាពយន្ដ វីដេអូ និងកម្មវិធីទូរទស្សន៍ជាដើម។